Rajoni dhe Bota

Shpëtohen 71 migrantë në Libi, kishin si destinacion Evropën

Rojet bregdetare të Libisë kanë shpëtuar 71 migrantë, të cilët po udhëtonin me një anije, pranë brigjeve libiane.

Mjeti i lundrimit u kap në afërsi të brigjeve të qytetit al-Khoms. Migrantët, nga Sudani, Egjipti, territoret palestineze, Siria dhe Pakistani, u dërguan nga autoritetet në qytetin al-Khoms ku kanë marrë asistencë shëndetësore dhe humanitare, transmeton Balkanweb.

Ky fakt është bërë i ditur dhe nga Organizata Ndërkombëtare për Migrantë, përmes një postimi në Twitter.

Libia viteve të fundit është bërë rrugë tranziti për migrantët – shumica nga Afrika – që duan të arrijnë përmes detit në Evropë.

You may also like