Ballina Lajme Shëndetësi

Mbi 2 mijë e 300 persona të pickuar nga rriqërat, një në gjendje të rëndë

Mbi 2300 persona janë pickuar nga rriqrat vetëm gjatë këtij viti, derisa komuna e Malishevës dhe ajo e Prishtinës prijnë me numrin më të madh të rasteve.

Nga Instituti Kombëtar i Shëndetësisë Publike në Kosovë (IKSHPK) kanë bërë të ditur se numri i të pickuarve në Komunën e Malishevës ka arritur në 968, 368 raste në komunën e Suharekës, 273 raste në komunën e Klinës dhe 125 në komunën e Rahovecit.

Sipas tyre, pickimi nga rriqrat ka ndodhur si pasojë e qëndrimit në livadhe të pakositura, në shkurre dhe në stalla, si dhe si pasojë e veshmbathjes joadekuate, shkruan Gazeta “Zëri”.

Përndryshe, numër i madh i të pickuarve nga rriqrat është paraqitur edhe në komunën e Prishtinës. Sipas drejtorit të Shëndetësisë në këtë Komunë Bujar Gashit, deri tani rreth 550 persona në këtë komunë janë pickuar nga rriqrat.

You may also like