Ballina Lajme

Haradinaj: Kosova është ndryshe prej se unë jam kryeministër

Kryeministri i Kosovës Ramush Haradinaj, ka thënë se Kosova nuk është ajo që ka qenë kur e ka marrë drejtimin e Qeverisë, sa i përket luftës kundër krimit dhe korrupsionit.

Sipas tij, punën që po e bëjnë ndaj këtyre fenomeneve tregon se Kosova e tanishmë dallon me atë që ishte para marrjes së tij Qeverisjes.

“Gjendja në rend dhe ligj nuk është e kënaqshme në Kosovë, edhe gjendja në rend dhe ligj është sfidë për Kosovën, veçanërisht luftimi i llojeve të ndryshme të krimit dhe korrupsionit. Rezultat i këtij fokusimi ka shkuar kryesisht për t’i ndihmuar institucioneve e rendit dhe të ligjit që t’i ushtrojnë funksionet e veta në bazë të mandatit të tyre kushtetues e ligjor. Që ta rifitojnë në tërësi fuqinë e tyre kushtetuese e ligjore, të punojnë të pa ndikuar dhe pa penguar nga askush. Mund t’iu them pra se dinamika ose treguesi i asaj që po ndodh në rend dhe ligj dallon nga kohërat e mëhershme, nuk them se Kosova i ka zgjedhur problemet e korrupsionit dhe se mund të mburremi me vendet e tjera, por në raport me gjendjen e marrë dhe këtë kohë, bëhet fjalë për një Kosovë tjetër, nuk është e njëjta”, u shpreh Haradinaj.

You may also like