Bashkimi Evropian ka gjobituar me 1.49 miliard euro kompaninë Google për konkurencë të padrejtë.

Kjo është hera e tretë që blloku evropian ndëshkon gjigantin global të internetit.

Bashkimi Evropian ka thënë se shërbimi reklamues i Google, AdSense, ka kufizuar ilegalisht paraqitjen e disa reklamave të kompanive rivale.

Shërbimi AdSense është ndërmjetësues në mes të reklamuesve dhe pronarëve të faqeve online, duke lejuar paraqitjen e reklameve në faqet përkatëse.

“Sot, komisioni ka ndëshkuar Google me 1,49 miliard euro gjobë për keqpërdorim të pozitës së saj dominuese në treg”, ka thënë komsionarja e Bashkimit Evropian për Konkurencë, Margrethe Vestager, shkruan rel.

Kjo është hera e tretë që blloku evropian ka gjobitur kompaninë Google

Kjo kompani ishte ndëshkuar më 2.42 miliardë euro më 2017 dhe një tjetër gjobë prej 4.34 miliardë eurove më 2018.

You may also like