Lajme Rajoni dhe Bota

5.2 milionë fëmijë në Jemen kërcënohen nga uria

Më shumë se një milion fëmijë në Jemen janë në rrezik urie, tha sot organizata ndërkombëtare joqeveritare Save the Children, duke e çuar numrin total të fëmijëve që janë të uritur në atë vend në 5.2 milionë.

Rritja e çmimeve të ushqimeve dhe vlera e reduktuar e monedhës së Jemenit si rezultat i konfliktit ekspozon më shumë familje në rrezikun e pasigurisë në lidhje me ushqimin.

“Miliona fëmijë nuk e dinë se kur dhe nëse ata do të marrin vaktin e ardhshëm”, tha drejtori ekzekutiv i Save the Children Hele Torning Schmidt, raporton BBC.

“Në një spital që vizitova në veri të Jemenit, foshnjat ishin shumë të dobëta për të qarë, trupat e tyre ishin shumë të lodhur nga uria”, tha ajo.

Jemeni u shkatërrua nga konflikti që u shkallëzua në fillim të vitit 2015 kur Huti mori pushtetin e vendit dhe e detyroi presidentin Abdrabhu Mansour Hadi të largohej nga vendi.

Emiratet e Bashkuara Arabe, Arabia Saudite dhe shtatë shtete të tjera arabe ndërhynë në një përpjekje për të rivendosur qeverinë.

You may also like